Gleðilegt sumar

Það er okkur bæði ánægja og heiður að fá að vera hluti af skóladegi barnanna ykkar með því að bjóða þeim upp á hollar, næringarríkar og bragðgóðar skólamáltíðir. Við hjá Skólamat leggjum áherslu á að bjóða börnum ykkar upp á það allra besta sem völ er á þegar kemur að gæðum, næringu og nýjungum í skólamáltíðum og vinnum því stöðugt að því að þróa matseðlana okkar og bæta þjónustuna í takt við ábendingar og þarfir skóla, nemenda og fjölskyldna.

Á liðnu skólaári hefur starfsemi okkar vaxið og dafnað. Þrátt fyrir vöxtinn leggjum við áfram áherslu á persónulega og vandaða þjónustu með velferð okkar viðskiptavina að leiðarljósi.

Við þökkum ykkur innilega fyrir traustið og samstarfið á liðnu skólaári og hlökkum til að halda áfram að elda fyrir börnin ykkar á nýju skólaári en þangað til óskum við ykkur og fjölskyldum ykkar gleðilegs, ljúfs og bragðgóðs sumars.