Stefna

Gæði umfram allt

Við vinnum eftir ströngum gæðastöðlum við undirbúning og framleiðslu máltíða, hreinlætiseftirlit og rannsóknir á hráefni og aðföngum. Úrtakskannanir eru gerðar á hráefni á rannsóknarstofunni Sýni. Þar er það efnagreint og innihaldslýsingar birgja sannreyndar. Skólamatur notar aðeins hágæða hráefni og er allt kjöt, fiskur og kartöflur frá viðurkenndum íslenskum framleiðendum. Hvorki MSG né matarolía með transfitusýrum er notuð í matinn.

Lokaeldun fer fram í skólaeldhúsunum sjálfum nema þar sem aðstaða er ekki fyrir hendi en þá er maturinn fulleldaður í eldhúsinu okkar og sendur í skólana í hitakössum.

Hollt, gott og aukið val

Matreiðslan okkar er í stöðugri þróun og má því fyrst og fremst þakka samstarfi starfsfólks okkar við foreldra, kennara, grunnskólabörnin sjálf og aðra viðskiptavini. Matvælaframleiðendur geta til að mynda framleitt hráefni samkvæmt séróskum þessara aðila. Okkur er auk þess mikið í mun að forráðamenn grunnskólanemenda og aðrir viðskiptavinir fyrirtækisins séu vel upplýstir um þann mat sem í boði er. Í því skyni eru allir næringarútreikningar og innihaldslýsingar birtar á heimasíðunni. Áhugi almennings á mat hefur stóraukist hin síðari ár og er það vel. Fyrir vikið eru auknar kröfur gerðar um fjölbreytileika í matargerð og hollustu. Reynsla okkar sýnir að grunnskólabörn eru ekki alltaf eins nýjungagjörn og foreldrar þeirra og kjósa heldur einfaldan, hefðbundinn en umfram allt góðan mat. Hefðbundinn matur á borð við grjónagraut, fiskibollur, kjötbollur og steiktan eða soðinn fisk er vinsæll og helst vilja ungir áskrifendur að maturinn sé framreiddur á einfaldan hátt. 



Minni matarsóun

Með sjálfskömmtum viljum við stuðla að minni matarsóun

Lesa meira
Sími: 420 2500
8:00 - 16:00