Starfsmannastefna Skólamatar ehf. er viðmið um aðgerðir og áherslur í starfsmannamálum. Starfsmannastefna Skólamatar tekur til allra starsmanna fyrirtækisins. Framkvæmdastjóri er ábyrgur fyrir því að stefnunni verði framfylgt.

Markmið Skólamatar ehf. er að ráða, halda í og efla hæft og gott starfsfólk. Fyrirtækið sækist eftir starfsfólki sem býr yfir frumkvæði, þjónustulund, sjálfstæðum vinnubrögðum, áreiðanleika, sveigjanleika, áhugasemi og vandvirkni.

Skólamatur leggur áherslu á:

• að efla starfsánægju, góðan starfsanda og gagnkvæma virðingu allra starfsmanna fyrirtækisins.
• að hlúa að öruggu starfsumhverfi og að vinnuumhverfið fullnægi kröfum um vinnuvernd.
• að vera eftirsóknaverður vinnustaður fyrir hæfa og duglega starfsmenn.
• að framfylgja lögum og reglum um jafnréttismál og eru starfsmenn ávallt metnir á eigin forsendum.
• að taka tillit til fjölskylduábyrgðar starfsmanna. Því er lögð áhersla á fjölskylduvænt starfsumhverfi og vinnuanda.
• að halda reglulega starfsmannafundi og leggja áherslu á gott upplýsingaflæði milli starfsmanna og stjórnenda.
• að greiða samkeppnishæf laun og viðhalda góðri samvinnu við stéttarfélög um réttindi og skyldur starfsmanna.